EMGROBES PRESENTA NA TABERNA CANTA CLARO A SEGUNDA EDICIÓN XORNADAS GASTRONÓMICAS DO MEXILÓN QUE ESTA VEZ SE CELEBRAN DO 14-23 DE MARZO POLA EXCELENTE CALIDADE DO PRODUTO
A asociación de empresarios, dentro do seu obxectivo de incentivar e promocionar a economía local, presentoua hoxe as súas seguintes xornadas dos Sabores no Grove. Fíxoo desta vez na Taberna Canta Claro, donde se mostraron dous dos platos estrella con mexilón TORTILLA DE MEXILÓN E MEXILÓNS EN ESCABECHE DE VERDURIÑAS NATURAIS. Estas Xornadas gastronómicas do Mexilón, realízanse por segundo ano consecutivo, ainda que desta vez cambian a marzo. Así que aproveitando o gran momento de calidade do molusco, prepararánse en diferentes restaurantes e taperías socias varios platos, suxerencias, tapas e menús basados en Mexilóns. Á presentación acudiron medios de comunicación, directivos de Emgrobes e responsables dos establecementos participantes e presentouse o cartel e as tarxetas que servirán para participar nun sorteo de agasallos que levara a cabo a asociación..
Como novidade destaca ademáis do cambio de datas, a ampliación do número de días nos que poder degustar estas preparacións xa que será do 14 ao 23 de marzo abarcando dúas fins de semana por demanda dos clientes e dos propios participantes ante o éxito destas iniciativas. Outra novidade é a utilización dunhas tarxetas que deberán ser entregadas e seladas polos establecementos durante estas datas aos clientes que proben calquera das preparacións con mexilón realizadas polos restaurantes e taperías. A suma de tres selos diferentes concederá unha participación aos clientes no sorteo final que se realizará na sede de Emgrobes despois de recoller todas as tarxetas que unha vez conten cos tres selos, deixaranse nos establecementos.
Nestas xornadas o protagonista é o mexilón xa que os 12 restaurantes participantes adicarán parte do seu menú ou as súas suxerencias a este preciado marisco bibalbo, tan coñecido pero de gran versatibilidade na cocina. A idea é facer algo diferente ó que habitualmente teñen os establecementos na carta, para chamar a atención de clientes e visitantes amantes da boa gastronomía e de probar diferentes formas de preparación dos produtos promocionados, en este caso o mexilón.
O Restaurante do Hotel Bosquemar, o Punta Vendaval que é o do Hotel Eurostar Louxo da Toxa, Restaurante Terraza O Castro, e outros restaurantes e taperías do Grove como O Canta Claro, o Bruma, o 48 da Platería, a tapería Afuego, A Cova do Trasno , o restaurante Sal de Allo, e tapería Plaza, e os dous restaurantes Solaina e A Solaina, anímanse a participar nestas xornadas e realizar diferentes preparacións para poder degustar todos estos días.
O que se pretende é dinamizar e promocionar a nosa vila antes da chegada da Semana Santa, partindo dunha premisa fundamental, que O Grove é referente gastronómico na comarca e en Galicia e para iso se organizan este tipo de eventos que poden atraer a algún tipo de turista de cercanía e animar ós veciños a probar recetas diferentes con produtos de cercanía, facendo unha simbiose do mar e da terra.
